ياهل الثقافة وياللي جمحت للغربي حبة لطافة عشان الغربي غرر بي حقك تسيبني ما تسلكش معاى دربي حقك تحلل وتختار اللي يحلالك حقك تجم...
ياهل الثقافة وياللي جمحت للغربي
حبة لطافة عشان الغربي غرر بي
حقك تسيبني ما تسلكش معاى دربي
حقك تحلل وتختار اللي يحلالك
حقك تجمل فلول نهجك وترحالك
حقك تطوع مداد الشمس لخيالك
من غير جحافة ومن أخلاقي تسخر بي
***
من غير تهكم ولا تحكم ولا تطاول
حرر دماغك وزى ما عاوز اتناول
وبلاش تماطل على الباطل ولا تحاول
تبقى اسطوانة بفكر الغير متعبي
يا حضرة اللي بتتهكم على الأحكام
قلت التدين بطل نهج القيم اوهام
وحياتي هى النهار ده مافيش حياة قدام
ما سألتش الفلسفة ليه سيبتي للحكمة
دفة زمام الحروب في مزلة واستسلام
***
إسألها قد ايه نصيب اللي نكر ذاته
واللي فدانا بحياته حنكافئه ونديه كام
يمكن نقول لك أهو مغفل ضحكت عليه
ودفع حياته في شعاراته لأنه سفيه
وانت اللي تنعم بنعيم الحياة بعديه
إسالها فين متعتي بين شىء ونقيضه
هو فيه طعام ينطعم إلا بجوع قبليه
***
ويا حضرة اللي انشغل بالرفق عَ الحيوان
ونشأت هيئات تراعي الكلب والتعبان
ما عطفش قلبك ورقّ على بني الإنسان
من كتر جوعه تشوف الدود من جوفه
على نقطة الميه يقتل ألف ميت عطشان
***
ويا حضرة اللي قالو لك عيشها حرية
روح مد يدك وخد من ديك ومن ديّه
كسر قيود الرقىّ وعيشها همجية
قيد الرقىّ إن كسرته فيك وفـ غيرك
حتمد إيد واحدة يتمدوا عليم مِيه
***
ويا حضرة اللي قفاك لغلغ من التخمة
ماشي وراك موكبك بتفرّق الرحمة
ريق الخلايق جري على ريحة اللحمة
تزغلل عنيه وتخطف لقمتي مني
وبإيدك التانية تفلق راسي بالزُخمة
***
وانت يا حضرة على الأفكار متعدي
والفكر تحتيك ودست عليه بتعدي
حرر ميزانك وقد الحق خد وادي
حقق ودقق وخلي عنيك شوافة
أرجوكوا ياللي انشغالم فكر وثقافة
***
أ/ علي نظير هويدي
التعليقات