البقر

إنك تكون راكب عربية غالية وواقف فى شارع مستنى واحد صاحبك قدام بيته وفجأة تبص فى المراية تلاقى قطيع بقر نفس اللون ونفس الحجم تقر...

إنك تكون راكب عربية غالية وواقف فى شارع مستنى واحد صاحبك قدام بيته وفجأة تبص فى المراية تلاقى قطيع بقر نفس اللون ونفس الحجم تقريباً وماشيين بنفس الطريقة والراعى بتاعهم ماشى وراهم ، لازم تحس ساعتها بالخجل من نفسك أولاً لأنهم أكتر ترتيب من بشر كتير ، ويمكن أكتر ترتيب منك انت شخصياً ، لكن مش هو ده اللى هيلفت انتباه حضرتك طبعاً ،

لأن أول حاجة هتيجى فى بالك انك تحاول تبعد بالعربية الغالية بتاعتك عشان البقر ما يغلطش ويهجم عليها (هجمة بقرة واحدة ) فتروح انت وعربيتك فى ستين داهيه ، فحضرتك طبعاً روحت مدوّر عربيتك وطلعت بيها ، لكن البقر كان خلاص قرب من العربية ، وكان فى الحالة دى مفيش قدامك غير إنك تركن على يمين الشارع وتنتظر ما سوف يفعله البقر ، وبعد ما شوفت البقر بيبعد عن عربيتك روحت سيادتك بكل احترام اديت إشارة عكس اتجاه البقر .. وفعلاً البقر طلع بيفهم ومشى فى اتجاه عكس مكان وقوف العربية بكل احترام وأدب ، وعرفت ساعتها ان الحيوانات عندها أخلاق .

          اقرأ ايضا : الورقة

                  ***

           محمد عبدة زيدان