سبايدر مان وزن الفيل

     النهاردة يا حبايبى الحلويين اتفرجت على فيديو لرجال المطافى  الأوربيبن وهما فى التدريب على اطفاء الحرائق , وبصراحه  انبهر...

   
 النهاردة يا حبايبى الحلويين اتفرجت على فيديو لرجال المطافى 

الأوربيبن وهما فى التدريب على اطفاء الحرائق , وبصراحه 

انبهرت ولقيت نفسى بشطح بخيالى الغلبان وبفتكر مناظر

 الرجالة بتوعنا الله يكرمهم وهما بيركبوا عربية المطافى

بتاعتنا الجميله وقد ايه فى

 غاية الرشاقة وبصراحة الفرق بين رجالة المطافى بتوعنا والرجالة 

بتوع بره اللى شفتهم فى الفيديو مش كبير ,

تكاد اصلا تكون الفروق بينهم وبين بعض معدومه , بمعنى ان 

رجالة المطافى بتوع بلاد بره لابسين لبس سبايدر مان وبيجروا 

جرى العدائيين الرياضيين وبيطلعوا فوق الحيطان

 فى ثوانى والحريقة 

بصراحه ما بتاخدش فى ايديهم خمس دقايق وتكون مطفيه تماما ,

 اما رجالتنا اللذاذ هما عايشين فى دور سبايدر مان برضه بس 

سبايدر مان النسخة المصرى

 ( سبايدر مان اللى بياكل محشى الكرنب والبتنجان وورق العنب 

والفول والطعمية فى الفطار والعشا ) , 

يعنى سبايدر مان بتاعنا بيدخل مسابقة افضل فيل  .. عادى يعنى هيفرق ايه عن سبايدر

 مان بتاع بره اهم حاجه الاخلاق يا باشا والتفانى فى العمل ,

 وبامانه رجالة المطافى بتوعنا الحريقة فى ايديهم ما

 بتاخدش تلات اربع 

ساعات ويكون البيت كله ولع بالبيوت اللى جنبه كمان ..

 بيحبوا يشتغلوا بضمير لدرجة انهم لو اتاخروا شويه يعنى قيمة 

ساعة ولا حاجه ولقوا الحريقة الأهالى اتصرفوا وطفوها.. سبايدر

 كرش بتاع المطافى بتصعب عليه نفسه وانه ازاى ييجى لحد 

الحريقة وتفلت من تحت ايديه كده فبيبقى هاين عليه يقول للناس 

ولعوها تانى والنبى عشان اطفيها انا , واهو ده من كتر حبه للعمل

 وتفانيه الدائم والمتواصل فى خدمة المطافى والحرايق ..

ولأنه سبايدر مان مصرى والمصرى معروف بقوته وبجبروته تلاقيه 

فى ثوانى لزق السلم فى الحيط زى بتوع بره بالظبط وطلع 

بالخرطوم بتاعه

 لفوووووووووووووق لفوووووووق لفوووووووق .. 

بس كفاية لحد هنا , لأننا لو سيبناه ممكن يعمل الخرطوم بتاعه 

براشوت ويطلع يطفى الحريقة فى حتة تانيه , وقريب جدا البلاد 

الاخرى هتطلب محترفين من عندنا يروحوا يطفوا الحرايق بتاعتهم 

لأن سبايدر كرش اللى عندنا من النوع النادر , ومش بعيد كمان 

كوكب المريخ او زحل يطلب استعارة سبايدر مان وزن الفيل مننا وناخد بداله

  كائن فضائي ..

ولو ان فراقهم هيبقى صعب بس مش مشكله ما احنا لازم نضحى 

علشان خاطر الأنسانية تستفيد ونصبح فى عالم بلا حرائق ( بلا 

حرائق صغيرة .. العالم هايكون مليان حرائق من النوع التقيل بس 

 ههههههههههههه ) , سا محنى يا عم سبايدر مان وزن الفيل ع التريقة .. 

بس انا والله معجب بيك جدا وبادائك الرشيق فى الطفى ... باى باى

 باى سبايدر .

اقرأ ايضا : الدفاس وابو دهشوم

***

محمد عبدة زيدان