الدفاس وابو دهشوم

اتفرجت كتير على فيلم العار بتاع نور الشريف ومحمود عبدالعزيز وحسين فهمى بس اول مرة اخد بالى من حاجه مهمة جدا جدا .. ان  السبب...

اتفرجت كتير على فيلم العار بتاع نور الشريف ومحمود عبدالعزيز

وحسين فهمى بس اول مرة اخد بالى من حاجه مهمة جدا جدا .. ان 

السبب الرئيسى فى النهاية المأساوية لأبطال الفيلم هى وفاة الدفاس

 وابو دهشوم اللى كان والد الأبطال بيعتمد عليهم فى استلام 

المخدرات وتخزينها ,

ما هو لو كان الدفاس وابو دهشوم الله يرحمهم عايشين ماكانش نور

 الشريف اضطر يعتمد على اخواته الخايبانين فى استلام المخدرات , 

وعشان كده حسين فهمى استقال من شغله فى النيابة العامة عشان 

يتفرغ للمهمة الأهم ويستلم المخدرات مع اخواته عشان ياخد نصيبة 

ويقدر يعيش فى نفس المستوى اللى كان عايش فيه طول عمرى ,

 وماكانش محمود عبد العزيز راح معاهم وهو اصلا صاحب مرض 

وعلطول متوتر , ولا نورا الله يرحمها كانت خاطرت بحياتها وهى 

اللى كانت الحته الطرية بتاعت نور الشريف واللى كلنا زعلنا عليها ,

 وفى اخر ده كله برضه فشلوا بسبب سوء تخزين المخدرات ,

 ما اهو برضه لو كان الدفاس وابو دهشوم عايشين كانوا حطوا 

المخدرات فى اكياس بلاستيك ولفوها كويس عشان الملح ما ياكلش

 الصفايح والمخدرات تدوب فى المية , بس عارفين مين اللى استفاد

 من ده كلة فى الأخر ؟! السمك والملح .

يعنى البحيرة دى لو كان فيها سمك كان هايعمل احلى دماغ طبعا , 

ولو البحيرة دى بيستخرجوا منها ملح .. كنت هتلاقى الملح متكيف , 

يلا هنعمل ايه .. المخرج عايز كدة , الله يرحمك يا دفاس انت وابو

 دهشوم .. بصراحة سيبتوا فراغ كبير .

انا بانصح كل واحد ناوى يشتغل تاجر مخدرات انه ينقى الرجالة 

بتوعه قبل ما يشتغل , علشان ما يبقاش مصيرة نفس مصير نور 

الشريف ومحمود عبدالعزيز وحسين فهمى , وبرغم موت الدفاس

 وابو دهشوم .. لكن مصر ولادة واكيد هنلاقى فيها مليون دفاس 

ومليون ابو دهشوم .

اقرأ ايضا : ايجيبت جوت مسخرة

***

  

محمد عبدة زيدان