مع انتشار برامج مسابقات المواهب وارد بلاد برة .. كان لازم نحط التاتش بتاعنا , ما هو مش معقول ستات بلدنا الراقصات المحترمات ي...
مع انتشار برامج مسابقات المواهب وارد بلاد برة .. كان لازم نحط
التاتش بتاعنا , ما هو مش معقول ستات بلدنا الراقصات المحترمات
يسيبوا الفرصة دى تعدى من تحت ايديهم علشان ينشروا الرسالة
السامية للرقص الشرقى وفن هز الـ****, وهز الـ**** ( انتوا
فاهمين بقى هز ايه بالظبط .. احم احم ) ,
وبرعاية الراقصة المحترمة جدا جدا ( الأنسة دينا ) واللى شالت
البرنامج فوق دماغها كأنه شمعدان فى وصلة رقص م اللى قلبك
يحبها , بس هما يعنى بتوع البرنامج مش لاقيين غير دينا ويجبوها
فى لجنة تحكيم .. ده صافيناز مسحت بيها الأرض وخلتها ما
تسواش بصلة فى سوق الرقصات وقعدتها فى بيتها تقشر بطاطس ,
طب كانوا يجيبوا فيفى عبدة اهى على الأقل خبرة واسمها راقصة
معتزلة وكمان ليها هيبة ياخى وسيطرة , وكانوا جابوا الصاروخ
صافيناز حتى لو تقعد من غير ما تتكلم اهى تطرى القعدة برضه
وليها شعبية جامدة .. لأ وكمان فنانة
( رقاصة رقاصة يعنى مش اى كلام ) ,
مش الرقاصة الكسر اللى خلاص راحت عليها وقريب
هتلاقي الساعة بتاعتها ب 50 جنية , وكله كوم وتامر زبيب
( قصدى تامر حبيب ) ده كوم تانى لوحده ..
ده طلع هايف هيافه يخربيت كده اجدع , لأ واللى يفقع مرارتك وانت
بتتفرج على ( رى أكشن ) سيادته وهو بيتفرج على المتسابقات من
الراقصات المحترمات المحتشمات .. تحس يعنى ان هو بيتفرج على
رائعة من روائع السيدة ام كلثوم الله يرحمها ويحسن اليها , تلاقى
صاحبنا متأثر اووووى والدمعه خلاص هتفر من عينه يا ولداه ,
ما احنا خلاص خلصنا كل مشاكلنا وعايشين فى قمة الرفاهية عشان
كده فضينا لأكتشاف الراقصات المكافحات , ابشروا .. فى العشر
سنين الجايين هيكون عندنا جيل رقصات من الأخر وان شاء الله
يملوا كبريهات مصر ويخلوا مزاج الخلايجة عنب .
***
التعليقات